SOLC         MANIFEST         PATROCINAR         SUPORTS        CREATIVES

MANIFÈST


Topofhlia


   Mos estimam eth territòri e volem portar vida coerenta e respectuosa ath laguens des Pirineus.

    Un moment entà gaudir des practiques creatives/artistiques mentre recorrem en itinerància es Pirineus. Uns creadors – activistes, scientifics e artistes – qu’auràn trabalhat entara realizacion exprèssa d’ua pèça entath SOLC.

    Se tracte d’ues residéncies artistiques de quate dies e un dia de SOLC.


Terraformar


   Volem facilitar trobades entà apréner a processar era complexitat, en lòc de quèir en responses e solucions simples.

    Implementar estructures d’atencion e supòrt que mos permeten continuar eth trabalh des activistes, investigadors e artistes.

    Reflexionar collaborativament sus totes es possibilitats deth Bioart e que lo restaquen damb es persones, sense quèir ena simpla experiéncia estetica.

    Perméter era creacion d’associacions transdisciplinàries e de cooperacion transfronterèra en Pirenèu / Mediterranèa.

    Compartir experiéncies, coneishences e bones practiques entà apréner d’ua ampla gamma de professionaus e localitats.

    Diversificar e refortir es relacions entre es organizacions participantes, e tanben entre aguestes e eth public en generau.

    Hèr proposicions concretes as finançadors sus com dar supòrt as practiques sostenibles entà artistes e organizacions culturaus.

    Eth SOLC vò bastir pònts entre es formes urbanes e ruraus, ua oportunitat entà acreditar es experiéncies entre era ua e era auta, ua gangalha que ja s’aumplís d’imaginaris e de realitats, un espaci que ja non ei binari.

    Eth SOLC se vò demanar se de quina manera es eleits extractives an perjudicat es recorsi deth territòri, e com aguest hèt entraïne repercussions, conseqüéncies e transformacions a conseqüéncia deth monocultiu deth léser.
  


Poliforma creativa


    Quines possibilitats aufrissen era sociologia, era biologia, era tecnica e era tecnologia contemporanèa as creadors? E es creadors as transformacions umanes entà poder pensar d’auti mons, tostemp respectuosi? Organismes viui, e non viui, organics e inorganics, lòcs e fenomèns pòden vier materiaus entara creacion? Coma contribuïssen aguestes practiques creatives ath debat sus es limits d’ues naues categories d’espècia o d’inter-espècia tau com an hèt d’autes societats. Se tracta de dar pè a naue relacions e deishar ath darrèr era perspectiva der etnocentrisme e er androcentrisme; damb tot gràcies ar activisme, ara investigacion e era practica creativa/artistica.


Poiesis / Practica-Pensament-Guariment


    Eth SOLC pense en ua partida pressupostària tà pagar es onoraris referenti a prestacion de servicis as activistes, investigadors e artistes, auent present tostemp es impòsti corresponenti; prevé ua auta partida entara naua produccion; respècte es drets d’autor indicant tostemp era autoria dera òbra en tota comunicacion dera que se’n hèsque us; indique clarament es retencions e es impòstos corresponenti tant ena partida d’onoraris com ena de produccion; prevé eth transpòrt e er embalatge deth liurament e era tornada dera òbra, damb era finalitat deth concors.
   
    Recorsi entara produccion e tecnics;

    Mos posicionam politicament com un espaci feminista e segur, damb un protocòl contondent contra es violéncies masclistes e lgtbifobiques.

    Eth SOLC tanben vò abordar factors entà arrestar era fòrça der antropocèn e practicar er
antiracisme, atacar er especisme, era desigualtat e era xenofòbia.
   
    Consum responsable ena contractacion de servicis en SOLC.

    Afavoriram eth trabalh en territòri, e tanben de creadors emergents de pertot.



Simpoiesis / generar damb


    Era cultura jògue un ròtle essenciau entà conscienciar era ciutadanetat ena conservacion e proteccion deth mèdi ambient e tà imaginar futurs alternatius amassa damb es projèctes artistics.

    Eth SOLC reïvindique eth ròtle essenciau dera cultura entà facilitar eth camin dera conscienciacion e transformacion des formes de compréner eth mon contemporanèu e dera transicion des practiques economiques entà sauvaguardar eth planeta. Es practiques artistiques fomenten un cambi de paradigma mentau a long tèrme, parlam des Objectius de Desvolopament Sostenible, ODS.


ESPERIT DUBИRT


    Accessibilitat Universau – coma perspectiva d’equitat e d’accessibilitat, ei un moment singular tà reflexionar comunament sus era non-exclusion des persones damb discapacitat en un entorn singular. Coma innovacion deth SOLC, cada resident aurà d’aportar discors o practica a ua milhora ena accessibilitat deth sòn trabalh, açò ei: sensoriau, intellectuau, fisica, dera comunicacion e era parla e, derivada de trastorn.